الموضوع خاص طبعا بالنساء وبامكان الرجال التعليق ولكن بحدود
موضوعي اليوم يتكلم عن ( عمر المرأه )
ابذكر لكم قصتين حقيقيتن صارو لي ومع انه هالامور دائما الكل يسمعها بس راح ابين لكم باخر طرحي للموضوع عن السبب
القصه الاولي : لي جده عسى الله يطول بعمرها ويخليها لنا عمرها اعتقد حول 75 سنه سالتها قبل 3 سنوات عن عمرها قلتلها يا جدتي كم عمرك قالت والله يا وليدي يمكن اها حول 67 وقعدت تصغري عمر الوالده وخالاتي كلهم عشان توصل للهدف هو ان عمرها يصغر سالتها قبل كم يوم قلتها ها يجده كم عمرك قالت اها يمكن حول 67 ههههههههههههه نفس العمر اللي قبل ثلاث سنوات .
القصه الثانيه : مره قابلت بنت خالتن لي واكبر سننا مني قابلتها بالمطار انا كنت مسافر رحله داخليه وشافتني طبعا حريمنا متغطيات متدري من تكون ذي فسلمت علي من بعيد هلا ابونواف وشلونك قلت بخير من انتي انا فلانه حياك كيف حالك طيبة الحمد لله وشلون ابوالعيال بخير والله من اللي معاك طبعا معها بنت اطول منها قلت اكيد هاذي اختك فلانه قالت لا والله هاذي بنتي طبعا هنا تشققت من الفرح وشوي وتطير طبعا انا سمعت السالفه من الوالده تقول انك مدحت بنت خالتك وقلت لها انك انتي وبنتك كبر بعض ههههههه .
سؤالي الحين هل الحريم بطبعهم ما يحبون يقولون عمرهم الصحيح لانها بطبعها انثى وما تحب ان انوثتها تنعدم من كبر السن او في سبب ثاني ، انا ذكرت لكم قصص واقعيه نعيشها فعلا ونبي من الاخوات الغير خليجيات يسامحونا على الكتابه العامية ، مع شكري وتقديري للجميع